Miklar seinkanir á Kastrup vegna verk­falls

Flugfarþegar mega eiga von á miklum seinkunum á Kastrup-flugvelli í Kaupmannahöfn eftir að öryggisstarfsmenn þar lögðu óvænt niður störf.

DR segir frá því að rekstaraðilar flugvallarins túlki það þannig að um ólöglegar verkfallsaðgerðir sé að ræða.

Einungis örfáar öryggisstöðvar séu opnar og því megi farþegar búast við miklum seinkunum.

Á deilan að snúast um að tólf öryggisstarfsmenn með áratuga starfsreynslu hafi verið látnir fara og aðrir ráðnir í þeirra stað.

#EB #tv2 #BT #CPH @tv2breaking lukker lufthavnen nu grundet faglig konflikt?? pic.twitter.com/iVC1fvteug

— Tom Maxmølris (@tommaxm) February 5, 2020