Bein útsending: Svefnvenjur ungmenna

Dr. Erla Björnsdóttir, sálfræðingur og sérfræðingur í svefnrannsóknum hjá Betri svefn og Margrét Lilja Guðmundsdóttir, kennari við íþróttafræðideild HR og sérfræðingur hjá R&G, munu í hádeginu í dag fjalla um svefnvenjur ungmenna í ljósi niðurstaðna úr nýjustu Ungt fólk rannsókninni sem lögð var fyrir meðal nemenda í efstu bekkjum grunnskóla nýverið.

Fyrirlesturinn er sá fyrsti af fimm fyrirlestrum sem greina frá afmörkuðum þáttum rannsóknarinnar Ungt fólk sem gerð hefur verið með reglulegu millibili af R&G frá aldamótum.

Að þessu sinni var sérstök áhersla lögð á að rannsaka svefnvenjur hjá ungmennum í efstu bekkjum grunnskóla með tilliti til ólíkra þátta í umhverfi þeirra.

Streymi frá fyrirlestrinum má sjá að neðan en hann hefst klukkan 12.