Halda erindi um stöðu kvendómara og hvernig sé hægt að breyta ríkjandi viðhorfum í karllægum heimi

Haustfundur dómara KKÍ fer fram um helgina og við það tilefni eru finnsku FIBA-dómararnir Kati Nynas og Karolina Andersson komnir til landsins.

Þær munu ekki bara halda erindi á haustfundinum um helgina því einnig munu þær ræða um stöðu kvendómara í boltagreinum í Háskólanum í Reykjavík í dag

Fundurinn hefst klukkan 12.00 í stofu M-102 í háskólanum í dag og er erindið öllum opið. Þar munu þær meðal annars ræða um hvernig kvendómarar geta brotið niður múra og breytt ríkjandi viðhorfum í karlægum heimi.

Kati er ekki bara dómari í Finnlandi því hún er einnig yfirmaður dómaramála þar í Finnlandi. Hún er ein fárra kvenna sem er yfir dómaramálum í heimalandi sínu.

Dominos-deildir karla og kvenna hefst svo í byrjun næsta mánaðar.