Vilja að Icelandair deili Boeing-bótum með farþegum

Neytendasamtökin hafa farið fram á að Icelandair deili mögulegum bótum frá flugvélaframleiðandanum Boeing, vegna kyrrsetningar á 737 MAX flugvélunum, með þeim farþegum sem Icelandair sem hafa neyðst til að fljúga með staðgengdarflugvélum, án þeirra þæginda sem flugfélagið auglýsir.

Þetta kemur fram í tilkynningu frá Neytendasamtökunum.Greint var frá því í gær að Neytendasamtökunum hefðu borist fjölda kvartana frá fólki sem keypti flug með Icelandair en fékk ekki þá þjónustu sem greitt var fyrir.

Breki Karlsson, formaður Neytendasamtakanna, sagði að hann vildi sjá Icelandair gefa farþegum sínum afslátt fyrir að ferðast með leiguflugvélum sem væru ekki með sömu þægindum og lofað var.

Neytendasamtökin hvetja alla félagsmenn sem flogið hafa með leiguvélum Icelandair, sem bjóða ekki upp á sömu þægindi, að geyma brottfararspjöld sín og kvittun fyrir kaupum, komi til þess að samtökin sæki bætur til Icelandair.

Að sama skapi hvetja Neytendasamtökin alla félagsmenn sem hafa flogið með lággæðaflugvélum Icelandair að geyma brottfararspjöld sín og kvittun fyrir kaupum, komi til þess að samtökin sæki bætur til Icelandair.