Myndaveisla frá fyrsta Íslandsmeistarafögnuði Selfyssinga

Selfoss varð í gær Íslandsmeistari karla í handbolta eftir tíu marka stórsigur á Haukum í Hleðsluhöllinni í Iðu.

Þetta var fyrsti Íslandsmeistaratitill Selfoss í handbolta og jafnframt fyrsti titill bæjarfélagsins í einni af þremur stóru boltaíþróttunum, fótbolta, körfubolta og handbolta.

Þegar titillinn var í höfn í gær brutust út mikil fagnaðarlæti í Hleðsluhöllinni. Vilhelm Gunnarsson, ljósmyndari Vísis, var á Selfossi í gær og náði þessum myndum af fögnuðinum.