Svona er að fara á völlinn í Norður-Kóreu

Það er ekki algengt að við fáum að sjá myndir af því hvernig sé að fara á völlinn í Norður-Kóreu. Það gerði þó maður fyrir Bleacher Report í haust.

Hann fór og sá leik Norður-Kóreu gegn Líbanon og var fín mæting á völlinn. Frítt inn en svo virtist vera sem skólabörn hefðu verið skikkuð til þess að mæta. Ekki ólíkt því sem gert var á HM í handbolta á Íslandi árið 1995. Klikkar ekki.

Áhorfendur skemmtu sér vel á góðum leik og sungu meðal annars nafn leiðtoga Norður-Kóreu meðan á leiknum stóð. Hvað annað?

Myndbandið af þessari fótboltaupplifun í Norður-Kóreu má sjá hér að neðan.