Þrjátíu milljón töflur á markað

Verksmiðja Actavis á Möltu hefur sett rúmlega þrjátíu milljón töflur af samheitalyfinu Olanzapine á markað í Evrópu. Einkaleyfi lyfsins Zyprexa frá Eli Lylly við geðklofa og geðhvarfasýki féllu úr gildi í vikunni.

Þetta er stærsta markaðssetning Actavis. Lyfið er þróað af Actavis í Hafnarfirði en framleitt á Möltu.

Samkvæmt upplýsingum frá Actavis er markaðssetning lyfsins Olanzapine frábrugðin sölu annarra lyfja og nokkuð flóknari að því leyti að lyfið getur farið til nokkurra landa í mismunandi styrkleika og nokkrum pakkastærðum. - jab