Bara fyrir iPod

Út er komin platan 100 íslensk 80"s lög í útgáfu sem aðeins er hægt að nota fyrir iTunes og iPod. Er þetta í fyrsta sinn sem útgáfa sem þessi kemur út hér á landi.

„Þetta er diskur til að setja í tölvu og hlaða inn á iPod. Þarna koma allar upplýsingarnar fram með mynd af disknum og þarna sést hverjir semja lögin og flytja þau," segir Höskuldur Höskuldsson hjá Senu. „Við erum búnir að gæla við þetta lengi og þessi pakki er sniðinn fyrir þetta, enda er þetta músík fyrir alla."