Sala á rauðum nefjum hefst í dag

Sala á rauðum nefjum UNICEF hefst í dag. Sala nefjanna er hluti af Degi rauða nefsins sem haldinn verður hátíðlegur þann 1. desember. Allur ágóði af sölu nefjanna rennur til verkefna Barnahjálpar Sameinuðu þjóðanna sem vinnur með bágstöddum börnum um allan heim.

Vilhjálmur Þ. Vilhjálmsson, borgarstjóri, ásamt allri borgarstjórn, opnar formlega fyrir söluna klukkan ellefu í dag.

Rauðu nefin fást í Bónuss, 10-11, útibúum Glitnis og á bensínstöðvum ESSO og kosta 500 krónur.