Flogið til Akureyrar og Ísafjarðar

Flogið var til Ísafjarðar og Akureyrar nú skömmu fyrir hádegið en enn er ekki hægt að fljúga til Egilsstaða eða Vestmannaeyja. Ekkert hefur verið flogið til staðannna fjögurra síðan á fimmtudagskvöld vegna veðurs. Fyrsta vélin til Ísafjarðar fór um klukkan hálftólf og sú fyrsta til Akureyrar nú klukkan korter í tólf. 170 farþegar biðu eftir flugi til höfuðstaðar Norðurlands hjá Flugfélagi Íslands en reiknað er með að allur hópurinn komist norður í dag. Öðru máli gegnir hins vegar um Vestmannaeyjar og Egilsstaði en þangað er ekki hægt að fljúga vegna veðurs, en kannað verður með flug síðar í dag.