Tónleikar Iggy Pop færðir í Hafnarhúsið

Fyrirhugaðir tónleikar Iggy Pop, sem fram áttu að fara í Laugardalshöll annað kvöld, hafa verið færðir í Hafnarhúsið við Tryggvagötu. Að sögn tónleikahaldara hafði miðasalan fram að nýliðinni helgi ekki verið eins góð og vonir stóðu til um og því var gripið til þessa ráðs. Það eru því fáir miðar nú eftir á lausu á tónleika Iggy Pop, sem sumir kalla guðföður pönkrokksins, en miðasala fer meðal annars fram í Máli og menningu á Laugavegi og Pennanum-Eymundsson á Akureyri.