Lögregla fann engar skemmdir

Skálaverðir og vegfarendur tilkynntu lögreglunni á Hvolsvelli um utanvegaakstur hóps torfærubifhjólamanna milli Hvanngils og Kaldaklofskvíslar í gær.

Lögreglunni var tilkynnt um hóp þrjátíu vélhjólamanna sem skildu eftir sig djúp og ljót hjólför utan vegar á gönguleiðinni Laugaveginum milli Landmannalauga og Þórsmerkur.

Tveir lögreglumenn fóru í eftirlitsferð á þyrlu Landhelgisgæslunnar TF-LÍF seinnipartinn í gær til að skoða verksummerki á svæðinu og að sögn lögreglu voru engar skemmdir sjáanlegar.