Ríkið hætti fjölmiðlaafskiptum

Samband ungra sjálfstæðismanna hvetur ríkið til að hætta afskiptum af fjölmiðlum. Í ályktun ungliðanna er því mótmælt að sett séu fram hugmyndir um að skerða möguleika á fjármögnun einkarekinna fjölmiðla, á sama tíma og frumvarp liggi fyrir sem tryggi Ríkisútvarpinu rétt til aukinna umsvifa á markaðnum og tryggi því jafnframt aukið fjármagn úr vösum skattgreiðenda. Hvatt er til að að takmarkanir á eignarhaldi einkarekinna fjölmiðla verði ekki lögfestar og að ríkið dragi sig út úr rekstri fjölmiðla.