Vorið lofar ekki góðu

"Það er engin sérstök hjátrú um veðrið á bóndadeginum sjálfum en það er sagt að ef þorrinn er þurr og góa vindasöm þá mun vorið verða gott," segir Aðalheiður Hallgrímsdóttir hjá veðurklúbbnum í Dalbæ á Dalvík. "Það er meira að segja til vísa um hjátrúna sem hljómar eitthvað á þessa leið: Þurr skyldi þorri, þeysin góa og votur einmánuður.  Þá mun vel vora. En við spáum ekki þurrum þorra og við höldum að það verði áfram umhleypingar. Það er víst spáð vetri fram í apríl," segir Aðalheiður