Vör ýtt úr vör
Vör, ný farþegamiðstöð fyrir skemmtiferðaskip, var formlega opnuð í dag. Heiða Björg Hilmisdóttir borgarstjóri klippti á borða við húsið ásamt Gunnari Tryggvasyni, hafnarstjóra Faxaflóahafna. Vör leysir af hólmi tímabundna aðstöðu sem hefur verið á hafnarsvæðinu síðustu ár og búist er við að rúmlega þrjú hundruð þúsund ferðamenn fari í gegnum miðstöðina í vor, sumar og haust.
