Draumurinn að rætast fyrir Demó­krata

Mike Johnson, leiðtogi meirihlutans í fulltrúadeildinni og þingmaður Repúblikana, er sagður hafa viðurkennt ósigur flokksins í kosningapartýi sínu í Louisiana.

Repúblikanar eru með meirihluta í báðum þingdeildum í dag. Á meðan kannanir bentu sterklega til þess að Demókratar myndu ná yfirhöndinni í fulltrúadeildinni eftir kosningarnar í gær ríkti meiri spenna um niðurstöðurnar í öldungadeildinni. Langan tíma gæti tekið að staðfesta niðurstöður á sumum svæðum en helstu miðlar vestanhafs eru sammála um að línurnar séu skýrar.

Demókratar hafi nái yfirhöndinni í öldungadeildinni

Þegar þetta er skrifað eru demókratar sagðir hafa náð til sín sex sætum frá Repúblikönum í öldungadeild þingsins og tryggt sér þau 51 sæti sem þarf til að ná þar meirihluta. Samkvæmt spámódeli The New York Times þurfti flokkurinn að sigra í þremur lykilríkjum til þess að ná meirihluta í deildinni en hafi nú gert gott betur og tryggt sér sigur í tveimur til viðbótar. Þá séu demókratar mjög líklegir til að græða eitt í viðbót í Maine og styrkja meirihluta sinn.

Þannig eru demókratar ýmist búnir að sigra eða taldir líklegir til að sigra í nær öllum mikilvægu sveifluríkjunum.

Staðan dræm fyrir Repúblikana í fulltrúadeildinni

Kannanir fyrir kosningarnar höfðu lengi bent sterklega til þess að demókratar myndu ná meirihlutaleiðtogasætinu úr höndum repúblikana og virðist sú mynd vera að raungerast.

Þegar þetta er skrifað eru Demókratar sagðir hafa tryggt sér 158 sæti í fulltrúadeildinni en þeir þurfa alls 218 til að ná þar meirihluta. Samkvæmt kosningamódeli The New York Times þurfa demókratar að vinna fjórtán lykilsæti til þess að ná yfirhöndinni og hafa þegar tryggt sér tólf þeirra. Flokkurinn er sagður frekar eða mjög líklegur til að vinna í 24 umdæmum til viðbótar og því talið nær öruggt að Demókrataflokkurinn geti fagnað sigri í báðum deildum.

Hægt er að fylgjast með nýjustu talningarniðurstöðum í útsendingunum hér fyrir neðan.

Fréttin er í vinnslu.