Verður líkam­leg og and­leg bar­átta

Rætt var við Pétur í hádegisfréttum Bylgjunnar í dag. Grindavík er búið að vinna alla leikina á tímabilinu á meðan Njarðvík hefur tapað einum. Njarðvík er ríkjandi Íslandsmeistari.

En af hverju hefur Grindavík farið svona vel af stað á tímabilinu?

„Ég er náttúrulega með mjög góða leikmenn. Það er ekkert hægt að skafa af því og svo aftur á móti erum við búin að æfa mjög stíft bara síðan í byrjun ágúst. Þannig að eftir þennan leik verður gefið nokkurra daga kærkomið frí. En við ætlum að reyna að klára þetta með stæl, svona fyrsta fjórðunginn af tímabilinu.“

En Pétur gerir sér grein fyrir styrkleika Njarðvíkinga.

„Þær eru ótrúlega vel mannaðar, vel þjálfaðar og með svona leikreynslu á bak við sig og söguna og eru ríkjandi meistarar þannig að þetta er verðugt verkefni. Þó að Dani [Rodriguez] verði ekki með þá verður þetta líkamleg barátta og ekki síður andleg.“