Tryggvi Snær og fé­lagar aftur á sigurbraut

Leikurinn var gríðarlega jafn og var aðeins eitt stig sem skildi liðin að í hálfleik. Ljóst var að hvert stig skipti máli og gátu úrslitin auðveldlega fallið báðum megin. Heimamenn voru einu stigi undir í hálfleik en liðið kom sterkt úr leikhléi.

Mikið var skorað í þriðja leikhluta en í honum náði Bilbao Basket að tryggja sér tveggja körfu forskot þar sem liðið var með fjögurra stiga forystu þegar fjórði leikhluti byrjaði. Leikurinn hélt áfram að vera jafn og þegar um tvær mínútur voru eftir af leiknum var staðan jöfn.

Það skipti því gríðarlega miklu máli hvaða lið myndi koma sterkar inn síðustu mínúturnar. Heimamenn í Bilbao náðu að koma sterkari í lokin og unnu að lokum 96-87 sigur.

Leikurinn var tæpur og skipti hvert stig leiksins máli. Tryggvi Snær spilaði 21 mínútu í leiknum og setti mikilvæg níu stig. Hann tók einnig mikilvæg fimm fráköst sem hjálpuðu liðinu.