Sjáðu skalla Hjartar og allt tryllast

Hjörtur stóð vaktina í hjarta varnar Gautaborgar sem hélt hreinu í dag og bætti um betur með því að skora eina mark leiksins, á 61. mínútu.

Markið má sjá hér að neðan en það skoraði Hjörtur með frábærum skalla af nærstöng, eftir hornspyrnu.

Hjörtur sneri aftur til Svíþjóðar frá Grikklandi í sumar og markið í dag var hans fyrsta fyrir Gautaborgarliðið, þar sem hann spilaði síðast á EM-árinu 2016.

Eftir sigurinn er Gautaborg með 23 stig í 11. sæti af 16 liðum sænsku úrvalsdeildarinnar en Örgryte er í 15. sæti með 14 stig.