Loka­dagur heimsleikana í CrossFit: Í hvaða sæti enda Ís­lendingarnir?

Bergrós Björnsdóttir keppir í kvennaflokknum og er í sautjánda sæti af þrjátíu keppendum eftir þrjá fyrstu keppnisdagana. Best hefur hún náð fjórða sætinu en hún hefur verið meðal tíu efstu í þremur af fyrstu sautján greinunum. Í dag fara fram þrjár síðustu greinarnar.

Björgvin Karl Guðmundsson og félagar í norska CrossFit Oslo Kriger liðinu eru í þriðja sæti fyrir lokadaginn og eiga því góða möguleika á því að vinna til verðlauna. Fyrsta sætið er þó fjarlægt þar sem bandarísku liðin CrossFit Mayhem og CrossFit Whip eru meira en hundrað stigum fyrir ofan.

Íslenska liðið CrossFit Reykjavík gaf aðeins eftir í gær og datt niður í tíunda sætið en stefnir örugglega á að hækka sig á lokadeginum þar sem fara fram fjórar síðustu greinarnar.

Hér fyrir neðan má sjá beina útsendingu frá keppni dagsins af Youtube-síðu heimsleikanna.