Skot­á­rás við Ála­borg

Danskir fjölmiðlar hafa eftir lögreglunni í Norður Jótlandi að árásarmaður hafi verið skotinn, eftir að skotið var að lögreglunni.

Minnst þrír hafa orðið fyrir skoti, þar á meðal einn lögreglumaður. Ekki er vitað mikið um hvernig ástand þeirra er, en það er sagt alvarlegt.

Margt er enn á huldu varðandi atburðarrásina, en svo virðist sem lögregla hafi fyrst verið kölluð á vettvang vegna tilkynningar um eld. En myndir frá vettvangi sýna svartan reyk. Í kjölfarið hafi skotbardagi hafist milli áðurnefnds árásarmanns og lögreglu.

Mikið viðbragð er á vettvangi.

Fréttin hefur verið uppfærð, og verður uppfærð frekar með nýjum upplýsingum þegar þær berast.