Messi há­grét eftir leik

Allt leit út fyrir að Egyptar myndi óvænt slá Argentínu úr leik og komast í fyrsta sinn í 8-liða úrslit keppninnar í sögu landsins.

Egyptar leiddu 2-0 þegar aðeins stundarfjórðungur var eftir en Argentínumenn gáfust ekki upp. Cristian Romero skoraði á 78 mínútu og Lionel Messi jafnaði leikinn fimm mínútum síðar.

Enzo Fernández tryggði Argentínumönnum svo magnaðan 3-2 sigur með skallamarki í uppbótartíma og þeir áfram á kostnað Egypta eftir þessi þrjú mörk á korteri undir lok leiks.

Messi hafði klúðrað víti fyrr í leiknum og fagnaði jöfnunarmarki sínu sem óður maður. Hann er nú markahæstur á HM með átta mörk, einu meira en Kylian Mbappé og Erling Haaland.

Mótið er hans síðasta heimsmeistaramót og lengi vel var útlit fyrir að goðsögnin myndi kveðja stærsta svið fótboltans í hinsta sinn.

Svo var ekki og tilfinningarnar báru Messi ofurliði eftir leik.

Í kvöld kemur í ljós hvort andstæðingur Argentínu í 8-liða úrslitum verði Kólumbía eða Sviss. Leikur þeirra liða hófst nú klukkan 20:00.