Verður á­fram í Þýska­landi

Harry Kane hefur ákveðið að framlengja samning sinn við Bayern Munchen en formlegar viðræður við félagið munu eiga sér stað eftir heimsmeistaramótið í fótbolta. Kane er núna staddur með enska landsliðinu í Kansas að gera sig tilbúinn fyrir leik gegn Kongó í 32-liða úrslitum.

Barcelona er meðal liða sem hafa gert tilboð í Kane en hann neitaði að semja við liðið snemma og sýndi vilja til að vera enn þá í Þýskalandi. Bæði Kane og Bayern Munchen eru bjartsýn á að ná samkomulagi. Kane leggur alla sína áherslu núna á heimsmeistaramótið í fótbolta með Englandi og markmiðið hans er að vinna mótið. Allt annað mun koma í ljós eftir mótið.

Harry Kane er búinn að skora þrjú mörk í þremur leikjum á heimsmeistaramótinu. Hann getur orðið fyrsti leikmaðurinn í sögunni til þess að verða verðlaunaður sem markahæsti leikmaður mótsins tvisvar. Hann var markahæsti leikmaður heimsmeistaramótsins árið 2018 í Rússlandi.