Innlent

Brotist inn í Reykjabú

Oddur Ævar Gunnarsson skrifar
Reykjabú hefur framleitt kjúklinga og kalkúnakjöt um árabil.
Reykjabú hefur framleitt kjúklinga og kalkúnakjöt um árabil. Vísir/Vilhelm

Brotist var inn í Reykjabú í Mosfellsbæ þar sem ræktaðir eru kalkúnar og kjúklingar og skemmdarverk unnin á býlinu aðfaranótt mánudags. Skilið var eftir manifesto, samskonar og skilið var eftir í innbroti í svínabú Stjörnugríss í upphafi maímánaðar.

Þetta herma heimildir fréttastofu. Hjördís Sigurbjartsdóttir aðstoðaryfirlögregluþjónn segir í samtali við Vísi að innbrotið sé áþekkt og innbrotið hjá Stjörnugrís. Reykjabú framleiðir matvæli undir merkjum Ísfugls.

„Við vitum ekki hverjir voru að verki að svo stöddu, við erum bara komin á fullt að afla gagna. Rannsókn málsins er á algjöru frumstigi,“ segir Hjördís.

Voru mikil skemmdarverk á svæðinu, hvernig var aðkoman?

„Þetta var eitthvað minna rask heldur en í hinu, þó þetta sé alltaf huglægt en það er ljóst að þetta var þó tjón sem hlaust þarna af. Þetta eru mjög áþekk tilvik.“

Matvælaframleiðsla Mosfellsbær

Mest lesið


Fleiri fréttir

Sjá meira


×

Mest lesið