Bíó og sjónvarp

Cruise tekur á loft í þriðja sinn

Magnús Jochum Pálsson skrifar
Tom Cruise mun bregða sér í hlutverk Pete „Maverick“ Mitchell í þriðja sinn í Top Gun 3.
Tom Cruise mun bregða sér í hlutverk Pete „Maverick“ Mitchell í þriðja sinn í Top Gun 3.

Herþotuflugmaðurinn Pete „Maverick“ Mitchell tekur á loft á ný því kvikmyndastúdíóið Paramount hefur tilkynnt að Hollywood-stjarnan Tom Cruise verði með í hasarmyndinni Top Gun 3 sem er komin í framleiðslu.

Paramount tilkynnti þessar fregnir á kvikmyndaráðstefnunni CinemaCon í gær. Hollywood-miðillinn Variety greindi svo frá tíðindunum.

Hinn 63 ára Tom Cruise er ekki sá eini sem snýr aftur í þriðju myndinni, framleiðandinn Jerry Bruckheimer, sem framleiddi báðar fyrri myndanna, verður einnig með. Hins vegar liggur ekki fyrir hvort Joseph Kosinski sem leikstýrði Top Gun: Maverick (2022) verði með.

Framhaldsmyndin hefur verið í framleiðslu síðan 2024 en tilkynningin er fyrsta merkið um að hún sé raunverulega á leiðinni. Bruckheimer sagði fyrir tveimur árum að þeir hefðu kynnt verkefnið fyrir Cruise en hann væri svo upptekinn að allt þyrfti að koma í ljós.

„Við erum að hugsa um og ræða alls konar ólíkar sögur, hvað við gætum gert og hvað sé mögulegt. Það tók mig 35 ár að átta mig á Top Gun: Maverick. Þannig að við erum að vinna í öllum þessum hlutum,“ sagði Cruise um þriðju myndina í fyrra.

Top Gun kom út árið 1986 í leikstjórn Tony Scott með Tom Cruise, Val Kilmer og Kelly McGillis í aðalhlutverkum og var vinsælasta mynd ársins þó viðtökur gagnrýnenda væru dræmari. 

Framhaldsmyndin Top Gun: Maverick kom út 36 árum síðar í leikstjórn Joseph Kosinski með Cruise í aðalhlutverkinu á ný. Val Kilmer birtist sömuleiðis í litlu hlutverki í sinni síðustu mynd en annars var leikhópurinn fullur af upprennandi stjörnum á borð við Glen Powell, Lewis Pullman, Monica Barbaro og Miles Teller.

Top Gun: Maverick var risahittari og halaði inn einum og hálfum milljarði Bandaríkjadala á heimsvísu en bíóin voru á þeim tíma enn að jafna sig á Covid-faraldrinum. Paramount vilja væntanlega reyna að endurtaka leikinn með þriðju myndinni.

Hollywood Bíó og sjónvarp Bandaríkin

Tengdar fréttir

Gamli er (ekki) alveg með'etta

Þegar best lætur líður manni eins og maður þeysist eftir brautinni á formúlubíl með öllum þeim hraða, hávæða og spennu sem því fylgir. Þegar farið er af brautinni líður manni eins maður sé að horfa á illa leikna auglýsingu með ómerkilegum persónum og klisjukenndu handriti.

Bestu myndir Vals Kilmer og verstu floppin

Val Kilmer var heittrúaður method-leikari sem sökkti sér ofan í hlutverk sín en fékk líka orð á sig fyrir að vera dyntótt dramdrottning og erfiður í samskiptum. Í tilefni andláts Vals Kilmer hefur Vísir tekið saman tíu bestu og tíu verstu myndir leikarans.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.