Hafnar fyrirliðasæti í Ryder-bikarnum

Valur Páll Eiríksson skrifar 2. apríl 2026 12:31

Woods tekur ekki þátt í Ryder-bikarnum á Írlandi á næsta ári samkvæmt yfirlýsingu PGA. James Gilbert/TGL/TGL Golf via Getty Images

PGA lýsti því yfir í gær að Tiger Woods hafi hafnað þátttöku og fyrirliðasæti Ryder-liðs Bandaríkjanna fyrir Ryder-bikarinn milli úrvalsliða Bandaríkjanna og Evrópu sem fram fer á Írlandi á næsta ári. Woods er á leið í meðferð eftir bílslys í síðustu viku.

Woods er kominn í ótímabundið frí frá golfi eftir að hafa valdið bílslysi um síðustu helgi. Lyfseðilsskyld verkjalyf fundust á Tiger þegar hann var handtekinn eftir bílslysið og hann er ákærður fyrir akstur undir áhrifum.

Hann ákvað í kjölfarið að fara í meðferð og mun sækja slíka utan Bandaríkjanna.

Woods hafði verið orðaður við Ryder-lið Bandaríkjanna fyrir næsta ár og að hann yrði fyrirliði liðsins. Woods hefur ekki tekið þátt í Ryder-bikarnum síðan árið 2018 og keppt allt átta sinnum frá 1997.

PGA staðfesti í yfirlýsingu í gærkvöld að Woods myndi hafna fyrirliðasætinu. Honum var jafnframt hrósað fyrir að setja heilsu sína í fyrsta sæti og óskað góðs gengis.

Bílslys Tigers Woods

Tengdar fréttir

Fékk leyfi til að fara í meðferð utan Bandaríkjanna

Tiger Woods hefur ákveðið að leita sér hjálpar og fengið formlegt leyfi fyrir því að sækja sér meðferðarúrræði utan Bandaríkjanna, sem hann gerir af ótta við trúnaðarbrest.

1. apríl 2026 22:34

Tiger rýfur þögnina og ætlar að leita sér hjálpar

Bandaríski kylfingurinn Tiger Woods hefur nú í fyrsta sinn tjáð sig opinberlega eftir að hann var handtekinn í síðustu viku. Tiger mun stíga tímabundið til hliðar frá golfi og sviðsljósinu til að leita sér hjálpar og einbeita sér að heilsu sinni.

1. apríl 2026 06:30

Tiger Woods heldur fram sakleysi sínu

Bandaríski kylfingurinn Tiger Woods hefur neitað sök í ákærum á hendur honum í kjölfar handtöku á föstudaginn í síðustu viku.

31. mars 2026 22:21

Ópíóðar í vasa Woods sem segist hafa verið í símanum

Tiger Woods sagði bandarískum lögregluyfirvöldum að hann hafi verið í símanum og að skipta um útvarpsstöð sem olli því að hann lenti í bílslysi í síðustu viku. Ópíóðar fundust í vasa Woods.

31. mars 2026 16:05

„Erum heppin að Tiger Woods hafi ekki drepið einhvern“

Álitsgjafinn Stephen A. Smith segir að fólk verði að hætta meðvirkninni með Tiger Woods og biðlar til hans að hætta að aka undir áhrifum. Hætt sé við að það endi illa.

31. mars 2026 09:32

Fyrrverandi eiginkonan hefur áhyggjur af Tiger

Elin Nordegren, fyrrverandi eiginkona Tigers Woods, hefur áhyggjur af kylfingnum eftir að hann var handtekinn fyrir að aka undir áhrifum.

31. mars 2026 07:32

Talar hreint út um Tiger: „Líf hans er í algjörri óreiðu á þessum tímapunkti“

Paul McGinley, atvinnukylfingur og fyrrverandi fyrirliði Evrópuliðsins í Ryder-bikarnum á ekki von á því að Tiger Woods mæti til leiks á komandi Mastersmóti í golfi. Woods olli sínu fjórða bílslysi á ferlinum á dögunum og er grunaður um að hafa ekið undir áhrifum.

30. mars 2026 19:46

Fjórða bílslysið á ferlinum en slapp í fyrsta sinn óslasaður

Golfgoðsögnin Tiger Woods varð valdur að bílslysi í fjórða sinn á ferlinum í gærkvöldi. Hann getur þó prísað sig sælan að hafa sloppið ómeiddur í þetta sinn.

28. mars 2026 12:15