Ólafur Björn til liðs við Jóns­bók

Í fréttatilkynningu þess efnis segir að Ólafur hafi hafið störf hjá Jónsbók í janúar. Hann muni koma að vöruþróun Jónsbókar og styðja við áframhaldandi vöxt fyrirtækisins hérlendis, í Finnlandi, Ungverjalandi, Króatíu og víðar.

Ólafur sé með meistarapróf í lögfræði frá Háskóla Íslands, hafi starfað áður í utanríkisþjónustunni, nánar tiltekið hjá fastanefnd Íslands í Genf, og þar áður sem fréttamaður á fréttastofu Vísis, Stöðvar 2 og Bylgjunnar.

Jónsbók sé gervigreind sem er sérstaklega hönnuð fyrir lögfræðinga og sé í notkun hjá leiðandi lögmannsstofum bæði innanlands og utan, hjá fjármálafyrirtækjum og hinu opinbera.

„Jónsbók hefur verið í hröðum vexti, fyrst hér innanlands og síðan þá í Ungverjalandi, Króatíu og núna síðast í Finnlandi.“