Hákon hjólaði í Greenwood: „Stjórn­laust, á­rásar­gjarnt og ofbeldisfullt“

Þjálfarinn var brjálaður eftir 2-1 tap Marseille gegn Lille í gærkvöldi og gagnrýndi dómarann fyrir að gefa Hákoni og liðsfélaga hans ekki beint rautt spjald.

Atvikin áttu sér stað á 13. mínútu. Calvin Verdonk tæklaði Mason Greenwood til jarðar og Greenwood brást illa við. Hákon kom Verdonk til varnar og ýtti fast í Greenwood.

Greenwood gat ekki haldið leik áfram lengur en í fimm mínútur og var skipt af velli vegna meiðsla eftir tæklinguna.

„Þetta var stjórnlaust, árásargjarnt og ofbeldisfullt hjá Haraldsson,“ sagði Beye eftir leik.

„Jafnvel þó við lítum á það sem svo að hann [Greenwood] sé ekki rændur upplögðu marktækifæri þegar Verdonk brýtur, þá er þetta ofbeldisfullt brot og hann fer meiddur af velli. 

Svo kemur Haraldsson og hrindir honum í bakið. En það þarf greinilega að kýla menn til að fá rautt spjald, allt í lagi… Svona ofbeldi verður að refsa. Þeir gáfu þeim gul spjöld en við missum leikmann af meiddan af velli og það gjörbreytir leiknum fyrir okkur.“