Sprengingar í höfuð­borg Venesúela

Skömmu fyrir klukkan 2 að staðar tíma (Kl. 6 GMT) í morgun heyrðust spreningar víða, að því er El País greinir frá. Miðillinn segir að myndskeið af flugvélum á himni hafi svo fljótt farið í mikla dreifingu á samfélagsmiðlum. 

Sjónarvottar segja við New York Times að reykur rísi upp úr La Carlota herstöðinni auk Fierte Tiun og þeir lýsa lýsa því að þeir heyri í þyrlum og flugvélum á lofti.

Bandaríska varnarmálaráðuneytið vísar spurningum til Hvíta húsið, sem neitaði síðan að tjá sig um málið þegar NYT höfðu samband.

Spenna hefur aukist milli Bandaríkjanna og Venesúela undanfarið, einkum eftir að Donald Trump Bandaríkjaforseti og ríkisstjórn hans hófu að fyrirskipa loftárásir á venesúelska báta úti á hafi.  

Trump sendi nýlega eitt stærsta herskip Bandaríkjanna að ströndum Venesúela en hann er sagður vilja skipta út harðstjóranum Nicolas Maduro, forseta Venesúela.

„Þeir eru að sprengja Caracas,“ skrifar Gustavo Petro, forseti Kólumbíu, á samfélagsmiðla. „Látið heiminn allan vita að þeir hafa ráðist á Venesúela. Þeir eru að sprengja með loftskeytum.“