Messi með mark og stoðsendingaþrennu og liðið tveimur sigrum frá titlinum

Messi var í miklum ham í leiknum í Cincinatti. Hann kom Inter Miami yfir með skalla á 19. mínútu og í seinni hálfleik lagði hann svo upp þrjú mörk. Tadeo Allendi skoraði tvö þeirra og Mateo Silvetti eitt.

Messi og félagar mæta New York City í úrslitum Austurdeildarinnar. Inter Miami er því aðeins tveimur sigrum frá því að verða bandarískur meistari í fyrsta sinn í sögu félagsins.

„Ég er stoltur af því hvernig liðið spilaði á mjög erfiðum velli gegn erfiðum andstæðingi,“ sagði Javier Mascherano, knattspyrnustjóri Inter Miami, eftir leikinn.

„Leikmennirnir sýndu ótrúlegan karakter og spiluðu nánast fullkominn leik.“

Messi hefur skorað 77 mörk í 83 leikjum síðan hann gekk í raðir Inter Miami í júlí fyrir tveimur árum.

Allt það helsta úr leik Cincinatti og Inter Miami má sjá hér fyrir ofan.