Ís­land - Norður-Írland 3-0 | Á­fram hluti af elítunni

Líkt og frá stofnun Þjóðadeildar kvenna í fótbolta verður Ísland áfram í hópi sextán bestu landsliða Evrópu, í A-deild, á næsta ári þegar leikin verður undankeppni HM í Brasilíu. Ísland valtaði yfir Norður-Írland í umspilseinvígi þjóðanna.

Stelpurnar okkar voru í góðri stöðu eftir 2-0 útisigur á föstudaginn og eftir að hafa þurft að bíða sólarhring lengur en ella, vegna veðurs, fögnuðu þær 3-0 sigri í frostinu á Þróttarvelli í dag.

Yfirburðir Íslands voru algjörir. Sveindís Jane Jónsdóttir kom liðinu yfir í fyrri hálfleik en í seinni hálfleik bætti Hlín Eiríksdóttir við skallamarki. Emilía Kiær Ásgeirsdóttir skoraði svo sitt fyrsta landsliðsmark úr vítaspyrnu sem Karólína Lea Vilhjálmsdóttir, besti maður vallarins í dag, nældi í.

Dregið verður í riðla A-deildarinnar á þriðjudaginn og þá kemur í ljós hver af öðrum bestu liðum Evrópu mæta Íslandi á næsta ári.

Uppgjörið, einkunnagjöf og viðtöl koma inn á Vísi innan skamms.