KA/Þór sótti sigur gegn Fram og stigalausar Stjörnukonur

Sjöttu umferð Olís-deildar kvennna lauk í dag með fjórum leikjum. Fyrr í dag vann Valur sigur gegn ÍBV og ÍR lagði Selfyssinga.

Í Úlfarsárdalnum tók Fram svo á móti KA/Þór þar sem gestirnir í KA/Þór höfðu að lokum betur, 29-30.

Heimakonur í Fram leiddu 18-16 í hálfleik, en gestirnir sýndu mikinn karakter í seinni hálfleik og snéru dæminu við, lokatölur 29-30.

Þá unnu Haukar öruggan sjö marka sigur gegn Stjörnunni, 34-17, þar sem Jóhanna Margrét Sigurðardóttir skoraði ellefu mörk fyrir Hauka.

Stjörnukonur eru því enn án stiga eftir fyrstu sex umferðirnar.