„Þarf að halda í við Mbappé og Kane“

„Frábær sigur og virkilega mikilvægt fyrir landsleikjahléið, ég er virkilega ánægður,“ sagði framherjinn að leik loknum.

„Fannst við spila virkilega vel í síðari hálfleik. Tijani [Reijnders] fékk færi til að koma okkur í 2-0 en það gekk ekki eftir. Þetta er enska úrvalsdeildin, allir leikir bjóða upp á ólíka bardaga, Brentford gerði vel. Löng innköst og hvernig þeir spila, en okkur tókst að halda markinu hreinu á ný með Gigi [Donnarumma].“

„Eftir að mistakast að vinna í miðri viku þá reynir maður að hlaða batteríin og gera sig kláran í næsta leik. Það er það sem maður þarf að gera svo á endanum erum við allir ánægður. Nú einbeitum við okkur að landsleikjaglugganum.“

Að endingu var Haaland spurður út í baráttuna við Harry Kane um gullskóinn.

„Ekki gleyma Kylian [Mbappé], hann hefur einnig byrjað frábærlega. Þeir eru að spila virkilega vel svo ég þarf að halda í við þá.

Til þessa hefur Kane skorað 18 mörk í 10 leikjum á meðan Mbappé hefur skorað 14 í 10 leikjum.