Til­nefnir nýjan þingflokksformann á morgun

Guðrún greinir frá þessu í færslu á Facebook sem hún birti um klukkan 22 í kjölfar yfirlýsingar Hildar, sem skrifaði fyrr í kvöld að hún hefði sagt af sér sem formaður þingflokksins til að forða flokknum frá innri átökum. Hildur heldur áfram sem þingmaður.

Í færslu sinni þakkar Guðrún Hildi fyrir störfin síðustu tvö ár og segir hana skýrt dæmi um þingmann „sem brennur fyrir íslenskt samfélag og vill leggja sitt af mörkum fyrir landsmenn alla.“

En nú sé staðan breytt þegar flokkurinn er kominn í stjórnarandstöðu. Það sé áskorun en líka tækifæri til að endurnýja, efla og tryggja að Sjálfstæðisflokkurinn verði leiðandi afl í íslensku samfélagi.

„Á morgun kynni ég ákvörðun mína um nýjan þingflokksformann. Fram undan eru breytingar og spennandi tímar,“ skrifar Guðrún.

Guðrún segir að nú sem aldrei fyrr þurfi íslenskt samfélag á sterkum Sjálfstæðisflokki að halda og lýkur svo færslunni á gamallri möntru flokksins: „Sjálfstæðisflokki sem stendur þétt með fólkinu í landinu, stétt með stétt.“

Fréttin verður uppfærð.