Heillandi heimili á Kársnesinu fyrir 236 milljónir

Heimilið er afar smekklega innréttað í djúpum, hlýjum tónum. Blanda af gömlum og nýjum húsgögnum og innanstokksmunum gefur því sjarmerandi og persónulega ásýnd.

Aðalrými hússins, sem samanstendur af eldhúsi, stofu og borðstofu, er staðsett á efri hæðinni með aukinni lofthæð og gólfsíðum gluggum með fallegt útsýni til sjávar og Öskjuhlíðina.

Eldhúsið er prýtt vandaðri sérsmíðaðri dökkri innréttingu úr reyktri eik með hömruðu gleir að hluta til og messinghandföngum. Fyrir miðju er stór eldhúseyja með svörtum marmara með áberandi æðum sem gefur rýminu mikinn karakter. 

Úr eldhúsinu er gengið út í gróinn og skjólsælan garð með notalegri setuaðstöðu og heitum potti.

Í húsinu eru samtals fjögur svefnherbergi og tvö baðherbergi.

Ásett verð er 236 milljónir.

Nánari upplýsingar á fasteignavef Vísis.