Morata og fjöl­skylda hans fékk morð­hótanir

Eiginkona hans segist bæði hann og fjölskylduna hafa fengið morðhótanir og mikið áreiti eftir leikinn.

Morata klúðraði víti í vítakeppninni og það var þetta vítasklúður sem á endanum skildi á milli liðanna.

„Áttiði þið ykkur ekki á því að þetta er bara fótboltaleikur,“ skrifaði Alice Campello, eiginkona Morata, á samfélagsmiðla sína. NRK segir frá.

Hún birti líka skjámyndir af mörgum af þeim óhuganlegu skilaboðum sem þau hafa fengið.

Alice birti seinna mynd af sér með Morata og börnum þeirra. Þar kemur hún sínum manni til varnar.

„Við gerum öll mistök í lífinu en við þurfum ekki að dæma aðra,“ skrifaði Alice.

Eftir leikinn þá gaf hinn 32 ára gamli framherji það í skyn að hann hafi mögulega spilað sinn síðasta landsleik. Hann hefur skorað 37 mörk í 86 landsleikjum fyrir Spán.