Arnar gerir sex breytingar frá tapinu á móti Kosóvó

Arnar gerir sex breytingar á byrjunarliði sínu frá því í síðasta landsleik í mars en íslenska liðið tapaði þá 3-1 á móti Kosóvó í umspili Þjóðadeildar.

Hákon Rafn Valdimarsson, Orri Steinn Óskarsson, Valgeir Lunddal Friðriksson, Willum Þór Willumsson, Þórir Jóhann Helgason og Arnór Ingvi Traustason fara út úr byrjunarliðinu. Orri er meiddur og Valgeir Lunddal er ekki í þessum hóp. Hinir byrja á bekknum.

Inn í liðið koma í staðinn þeir Elías Rafn Ólafsson, Hákon Arnar Haraldsson, Guðlaugur Victor Pálsson, Mikael Egill Ellertsson, Hörður Björgvin Magnússon og Mikael Egill Ellertsson. Mikael Egill byrjar sem bakvörður og Hörður Björgvin spilar sinn fyrsta landsleik síðan í september 2023.

Leikur Íslands og Skotlands hefst klukkan 19.00 og verður sýndur beint á Stöð 2 Sport.