Fótbolti

Mark Martinez lyfti Inter á toppinn

Smári Jökull Jónsson skrifar
Lautaro Martinez var hetja Inter í kvöld.
Lautaro Martinez var hetja Inter í kvöld. Vísir/Getty

Inter lyfti sér á topp ítölsku úrvalsdeildarinnar í knattspyrnu eftir góðan sigur á Genoa á heimavelli í kvöld.

Inter var í öðru sæti ítölsku deildarinnar fyrir leik kvöldsins og var tveimur stigum á eftir Napoli sem var í efsta sætinu.

Inter var sterkari aðilinn í kvöld en gestirnir úr Genoa sigla nokkuð lygnan sjó um miðja deildina. Hvorugu liðinu gekk sérlega vel að skapa sér alvöru marktækifæri og það var ekki fyrr en á 78. mínútu sem eina mark leiksins kom.

Þar var á ferðinni Argentínumaðurinn Lautaro Martinez og um leið tryggði hann Inter efsta sætið í deildinni, að minnsta kosti þar til Napoli leikur gegn Como á morgun.

Ítalski boltinn

Mest lesið


Fleiri fréttir

Sjá meira


×

Mest lesið