Góður leikur Elvars í mikil­vægum sigri

Maroussi var í neðsta sæti grísku deildarinnar fyrir leikinn með sextán stig en í Grikklandi fá lið tvö stig fyrir sigur og eitt stig fyrir tap. Maroussi hafði unnið þrjá leiki í fyrstu sextán umferðum deildarinnar fyrir leikinn.

Andstæðingar Maroussi í dag var lið Peristeri sem var í 9. sæti en leikið var á heimavelli Peristeri. Fyrri hálfleikur var jafn og leiddu gestirnir í Maroussi með þremur stigum eftir fyrri hálfleikinn. Staðan 37-34 að honum loknum.

Elvar Már var í lykilhlutverk hjá Maroussi í leiknum eins og venjulega og stýrði sóknarleiknum vel. Gestirnir voru mun sterkara liðið í seinni hálfleiknum. Þeir unnu þriðja leikhlutann 28-19 og bættu síðan í forystuna í fjórða leikhluta þar sem þeir náðu mest sextán stiga forskoti.

Maroussi vann að lokum 86-81 og lyftir sér með sigrinum ofar í töflunni. Elvar Már lauk leik með 10 stig, 7 stoðsendingar og 4 fráköst og var þriðji framlagshæsti leikmaður síns liðs.