Þurfa að greiða Trump 15 milljónir dala í bætur

Geor­ge Stephanopou­los end­ur­tók full­yrðing­una ít­rekað í viðtali þann 10. mars síðastliðinn við þingkonuna Nancy Mace sem er dyggur stuðningsmaður Trump. 

Hann vísaði þá í dóms­mál frá 2023 þar sem Trump var sagður hafa beitt blaðamanninn E. Jean Carroll kyn­ferðis­legri áreitni í fata­klefa í versl­un­ar­miðstöð í New York árið 1996. 

Kviðdómur í málinu komst að því að Trump væri sekur um kynferðislega misnotkun (e. sexual abuse) sem hefur sérstaka skilgreiningu í lögum New York.

Sextán milljónir dala, yfirlýsing og leiðrétting

Samkvæmt samkomulaginu mun fréttaveita ABC greiða fimmtán milljónir Bandaríkjadala sem góðgerðarframlag í sjóð forsetans og safn sem stofnað verður af honum eða honum til heiðurs. Einnig er fréttaveitunni gert að greiða eina milljón Bandaríkjadala af lögfræðikostnaði Trump.

Hluti af sam­komu­lagi ABC við Trump snýr að því að gef­in verði út yf­ir­lýs­ing þar sem fréttaveitan tjáir „eftirsjá“ sína vegna yfirlýsinga Stephanopoulos. Þá mun ABC einnig þurfa að setja leiðréttingu frá ritstjórn á vefútgáfu fréttarinar frá 10. mars 2024.