Bündchen 44 ára og ó­létt

„Gisele og Joaquim eru ánægð með þennan nýja kafla í lífi sínu og hlakkar þau til að skapa friðsælt og kærleiksríkt umhverfi fyrir alla fjölskylduna,“ segir heimildarmaður People. 

Nokkur aldursmunur er parinu eða um sjö ár, en Valente er 37 ára og Bündchen 44 ára.

Bündchen á tvö börn með fyrrverandi eiginmanni sínum og NFL-stjörnunni, Tom Brady, þau Benjamin Rein, fjórtán ára og Vivian Lake, ellefu ára. Bündchen og Brady skildu í október árið 2022 eftir þrettán ára hjónaband.

Byrjaði með þjálfara sonar síns

Bündchen og Valente kynntust í byrjun árs 2022 eftir að hún fór með son sinn til Valente í Jiu-jitsu tíma.

Í viðtali við Dust Magazine árið 2022 sagði Bündchen að hún hafi upphaflega ekki verið neitt sérstaklega áhugasöm um Jiu-jitsu. 

„Þegar ég fór með Ben í fyrsta tímann og talaði við Joaquim áttaði ég mig á því að þetta var miklu meira en bara sjálfsvarnartímar,“ sagði hún og viðurkenndi að Valente hafi sannfært hana að koma í tíma til sín, sem hún gerði.

Parið hélt sambandi sínu utan sviðsljóssins þar til í júní á þessu ári. Samkvæmt frétt People sást fyrst til Bündchen og Valente saman í fríi í nóvember árið 2022, aðeins einum mánuði eftir skilnað hennar við Brady, í Kosta Ríka ásamt börnum hennar.