Lífið

Barna­barn Kurt Cobain og Tony Hawk í heiminn

Oddur Ævar Gunnarsson skrifar
Francis og Riley saman á góðri stundu.
Francis og Riley saman á góðri stundu. Instagram

Francis Bean Cobain dóttir tónlistarmannsins Kurt Cobain og Riley Hawk sonur hjólabrettagoðsagnarinnar Tony Hawk hafa eignast sitt fyrsta barn saman. Um er að ræða strák sem kom í heiminn 17. september.

Fram kemur í umfjöllun People að strákurinn hafi þegar hlotið nafn. Hann heitir Ronin Walker Cobain Hawk. Parið tilkynnti fæðingu hans á samfélagsmiðlum. Riley og Francis eru bæði fædd árið 1992. 

Þau hafa verið saman í tvö ár og virðast aldrei hafa verið betri. Þau gengu svo skrefinu lengra fyrir rúmu ári síðan þegar þau gengu í það heilaga.

Hamingjuóskum hefur rignt yfir parið. Þannig kastaði Zelda Williams dóttir grínleikarans Robin Williams á þau kveðju. Það gerði Harper Grohl, dóttir Dave Grohl einnig.

Barnalán Bandaríkin Hollywood


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.