Eld­gosinu er lokið og land­ris hafið í Svarts­engi

Þetta hafi verið þriðja lengsta eldgosið af þeim sex sem hafa orðið á Sundhnúksgígaröðinni frá því í desember 2023. Gosið sem hófst um miðjan mars hafi staðið í um 54 daga og eldgosið sem hófst í lok maí í um 24 daga.

Út frá líkanreikningum sé ljóst að aldrei hafi jafn mikið magn kviku komið upp á yfirborðið frá því að jarðhræringarnar hófust haustið 2023. Ekki hafi tekist að mæla umfang hraunbreiðunnar vegna veðurs og því liggi endanlegar tölur um rúmmál kviku ekki fyrir.

Landris mælist í Svartsengi og kvika því farin að streyma inn í kvikuhólfið að nýju. Of snemmt sé að fullyrða um hraða kvikusöfnunarinnar, en fyrstu líkanreikningar bendi til þess að hann sé svipaður og áður.