Segir konur fórna líkama sínum og heilsu á með­göngu

Þetta er meðal þess sem fram kemur í einlægri Instagram færslu. Þar segir Katrín frá þrálátum fylgikvillum sem hafa hrjáð hana á meðgöngunni en Katrín gengur nú með sitt annað barn. Fyrir á hún eina dóttur með eiginmanni sínum Markusi Wasserbach, Elísu Eyþóru em er á öðru aldursári.

„Ég þráði mjög lengi að verða ólétt og er svo ótrúlega þakklát fyrir að fá að upplifa það. Það er samt bara alls ekki sjálfgefið að maður fórnar líkamanum sínum og heilsu gjörsamlega í tíu mánuði og löngu eftir á líka. Og allar þessar aukaverkanirnar sem eru bara „eðlilegur partur“ af því að vera óléttur. Ég sver að ef ég myndi vakna með aukaeyra myndi læknirinn segja; ah já, ertu ólétt? Þá er þetta bara eðlilegt,“ segir Katrín Edda og telur upp fjölda einkenna sem hafa hrjáð hana á meðgöngunni:

„Hjá mér endalaus þreyta, ógleði, sveppasýking, gyllinæð, þvagleki, mígreni, bakflæði, tannpína (ég BRAUT TÖNN) og krónískt kvef og ég átti og á nú bara mjög góða meðgöngu miðað við margar aðra“.

Misstu heyrn og sjón á meðgöngu

Í færslunni segir Katrín að henni hafi borist fjölda skilaboða frá fylgjendum sínum og reynslusögum þeirra af meðgöngu. 

„Margar ykkar sendu mér til dæmis að þið hefðuð sumar misst hárið, misst tennur, misst sjónina, misst heyrnina og jafnvel lamast í andlitinu. Og margar eru enn að díla í dag við eftirköst meðgöngu eða fæðingar. Ég fór að gráta smá, og græt yfir öllu núna og finnst það óþolandi), í fyrradag þegar ég fór út að hlaupa og fannst það vont út af bumba og áttaði mig þá á því að ég mun líklega ekki geta hlaupið meira út meðgönguna og auðvitað ekki eftir fæðingu heldur,“ segir Katrín. 

Katrín segir það ósanngjörn tilhugsun að þurfa að fara aftur á byrjunarreit í hreyfingu að meðgöngu lokinni þegar en að eiginmaðurinn geti haldið sínu æfingarprógrammi áfram.

„Mesta mindfuckið er samt að svo þegar maður heyrir hjartsláttinn eða finnur hreyfingar myndi maður alls ekki vilja skipta. Litla ruglið“.