Fögnuðu bolludeginum með vistkjöti úr frumum japanskrar akurhænu

„Það er gaman að gefa Íslendingum kost á að vera með þeim allra fyrstu til að smakka þessa matarnýjung framtíðarinnar, og upplifa að vistkjöt er ekki bara sjálfbærari valkostur fram yfir hefðbundna kjötframleiðslu heldur er það einnig ljúffengur valkostur.

Vaxtarþættir ORF gera vistkjötsframleiðendum eins og Vow ekki aðeins kleift að rækta vistkjöt heldur einnig að skala upp ræktunina til að mæta framtíðareftirspurn,” segir Berglind Rán Ólafsdóttir, forstýra ORF Líftækni.

Meðal gesta voru Katrín Jakobsdóttir forsætiráðherra, Bergur Ebbi, Védís Hervör og Svanhildur Hólm, svo fáir einir séu nefndir.

Sjálfbær valkostur í náinni framtíð

Í fréttatilkynningu ORF segir að framleiðsla vistkjöts mun losa umtalsvert minna af gróðurhúsalofttegundum en hefðbundinn landbúnaður, auk þess framleiðslan krefst minna landssvæðis og vatns. 

„Vow er brautryðjandi í þróun aðferða til að rækta kjöt beint upp úr frumum dýra. Með þessari nýstárlegu aðferð er hægt að framleiða hágæða kjötvörur en halda neikvæðum umhverfisáhrifum í lágmarki. Vaxtaþættir fyrir vaxandi markað Þrátt fyrir að markaður fyrir vistkjöt sé enn á frumstigum er áætlað að hann muni vaxa gríðarlega hratt á næstu árum og áratugum; Skýrsla frá McKinsey spáir því að vistkjötsmarkaður verði 25 milljarða bandaríkjadollara markaður um 2030.

Til að vistkjöt nái samkeppnishæfni og mæti eftirspurn á markaði, þurfa framleiðendur vistkjöts að stórauka framleiðslugetu og lækka framleiðslukostnað. Vaxtarþættir eru lykilþáttur í framleiðsluferlinu. Um árabil hefur ORF Líftækni þróað skilvirka leið á framleiðslu vaxtarþátta dýra í erfðabreyttu byggi. Síðustu ár, hefur fyrirtækið unnið ötullega við að byggja uppvörulínu fyrir vistkjötsmarkað samhliða því að auka framleiðslugetu sína til að mæta vaxandi eftirspurn,“ segir í tilkynningunni.

Ræktað úr frumum kornhænu

„Vow er einstakt fyrirtæki á vistkjötsmarkaðinum en við einblínum á að fjölga valkostum fremur en að reyna að endurskapa það sem við borðum nú þegar. Við viljum framleiða kjöt sem er ekki eins og annað kjöt – einstakt og bragðgott, næringarríkt og sjálfbært. Það er ekki eins og neitt sem þú hefur áður smakkað. Þess vegna erum við svo spennt að kynna ásamt ORF alveg nýja tegund matvæla á þessu tímamótaviðburði,“ segir George Peppou, meðstofnandi og framkvæmdastjóri Vow.

„Vistkjöt Vow, sem ræktað er úr frumum japönskrar kornhænu, hefur þegar verið metið öruggt til neyslu í Ástralíu og Nýja-Sjálandi og búist er við svipaðri staðfestingu frá Singapúr á næstu dögum og munu fleiri fylgja í framhaldinu.“