Körfubolti

Styrmir stiga­hæstur í sigri

Hjörtur Leó Guðjónsson skrifar
Styrmir Snær Þrastarson skoraði 23 stig fyrir Belfius Mons í kvöld.
Styrmir Snær Þrastarson skoraði 23 stig fyrir Belfius Mons í kvöld. Serhat Cagdas/Anadolu Agency via Getty Images

Styrmir Snær Þrastarson var stigahæsti maður vallarins er Belfius Mons vann góðan átta stiga útisigur gegn Kortrijk í hollensku og belgísku deildinni í körfubolta í kvöld, 72-80.

Styrmir og félagar voru sex stigum undir að loknum tveimur leikhlutum þegar flautað var til hálfleiks, en liðið snéri taflinu við í síðari hálfleik og vann að lokum góðan átta stiga sigur.

Styrmir var sem áður segir stigahæsti maður vallarins, en hann skoraði 23 stig, líkt og liðsfélagi sinn, Leon Santelj. Þá tók Styrmir þrjú fráköst og gaf tvær stoðsendingar.

Styrmir og félagar sitja nú í níunda sæti B-riðils BNXT deildarinnar með 22 stig eftir 17 leiki, tveimur stigum minna en Kortrijk sem situr í sjöunda sæti.

Körfubolti

Mest lesið


Fleiri fréttir

Sjá meira


×

Mest lesið