Lífið

Kristín Tómas selur ævin­týra­lega í­búð

Íris Hauksdóttir skrifar
Kristín Tómasdóttir og fjölskylda hafa sett eign sína á sölu.
Kristín Tómasdóttir og fjölskylda hafa sett eign sína á sölu.

Kristín Tómasdóttir, metsöluhöfundur og fjölskyldumeðferðarfræðingur hefur sett eign sína við Mávahlíð á sölu. Ásett verð fyrir fermetrana 101 eru 77,9 milljónir.

Um er að ræða fallega og vel skipulagða hæð í litlu fjölbýli. Eignin er björt og rúmgóð og telur anddyri, hol, borð- og setustofu, þrjú svefnherbergi, eldhús og baðherbergi auk rislofts sem nýtt hefur verið sem fjórða svefnherbergi eignarinnar.

Virkilega falleg eign með mikla möguleika á vinsælum stað í Reykjavík þar sem stutt er í alla þjónustu.

Hægt er að nálgast nánari upplýsingar um húsið á fasteignavef Vísis en hér að neðan eru nokkrar vel valdar myndir.

Borð- og setustofa í opnu rými, parket á gólfi, stórir gluggar til suðurs og frá borðstofu er útgengt á skjólríkar suður svalir eignar.

Hol er rúmgott og bjart, stigi upp á risloft, ágætur laus fataskápur og annar innbyggður. Á gólfi er parket.

Forstofa með innbyggða skápa, parket á gólfi og þakgluggi sem gefur birtu inn í rýmið.

Inngangur er sameiginlegur með íbúð á 2. hæð og gengið upp í séreign um nýlega teppalagðan bogadreginn stiga.

Eldhús rúmgott og bjart góðri vinnuaðstöðu. 

Eldhúsið er með miklu skápaplássi, gluggum á tvo vegu og ágætum borðkrók. Á gólfi er korkur.

Svefnherbergi með lausum fataskáp í herbergi, gluggi til vesturs með opnanlegu fagi.

Rúmgott og bjart með gluggum á tvo vegu, nýlegum fataskápum og frá herbergi er útgengt á svalir eignar.

Baðherbergi hefur nýlega verið endurnýjað að hluta, vegghengt WC, falleg innrétting og baðkar með sturtuhaus. Á gólfi og á veggjum eru flísar og á baðherbergi er gluggi með opnanlegu fagi.

Risloft liggur yfir stórum hluta íbúðar og er í dag nýtt sem fjórða herbergi eignar. Þar er teppi á gólfi, tveir opnanlegir þakgluggar og inn af herbergi er geymsla.

Skjólgóðar suður svalir með miklu útsýni.

Mávahlíð 46 er fallegt lítið fjölbýli í Hlíðunum í Reykjavík.
Fasteignamarkaður Hús og heimili Reykjavík


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.