Tilþrifin: WZRD galdrar fram sigur FH

Hjörtur Leó Guðjónsson skrifar 25. október 2023 15:00

Vísir birtir Elko tilþrif kvöldsins úr Ljósleiðaradeildinni í CS:GO eftir hvern keppnisdag í allan vetur. Í þetta sinn er það WZRD í liði FH sem á heiðurinn af tilþrifum kvöldsins.

WZRD og félagar í FH unnu virkilega sterkan sigur gegn Ármanni í gærkvöldi og bundu þar með enda á sigurgöngu liðsins. FH-ingar sitja nú í 5. sæti með 8 stig,en Ármann þurfti að sætta sig við sitt annað tap á tímabilinu og liðið situr nú í 4. sæti deildarinnar.

FH-ingar, með WZRD í fararbroddi, snéru leiknum við á ótrúlegan hátt gegn Ármanni í gær og voru 10-5 undir í hálfleik. WZRD sýndi hins vegar frábæra takta er hann galdraði fram sigur í 20. lotu og jafnaði metin í 10-10, en lokatölur urðu 16-13, FH í vil.

Tilþrif WZRD má sjá í spilaranum hér fyrir neðan.

Klippa: Elko tilþrifin: WZRD galdrar fram sigur FH

Rafíþróttir Ljósleiðaradeildin