Bandarískur íþróttamaður reynir að flýja land grunaður um nauðgun Kolbeinn Tumi Daðason skrifar 11. maí 2023 12:23 Frá Keflavíkurflugvelli þar sem karlmaðurinn reyndi síðast að komast úr landi í mars á neyðarvegabréfi. Vísir/Vilhelm Bandarískur karlmaður grunaður um nauðgun í ársbyrjun hefur verið úrskurðaður í gæsluvarðhald til 25. maí. Talið er nauðsynlegt að halda honum innan veggja fangelsis þar sem hann hefur endurtekið reynt að komast úr landi þrátt fyrir farbann. Karlmaðurinn spilaði ruðning á Íslandi árið 2022. Bandaríkjamaðurinn er grunaður um gróft kynferðisbrot hér á landi aðfaranótt 2. janúar gegn konu sem hann kynntist á stefnumótaforritinu Tinder. Konan sótti manninn á Keflavíkurflugvöll á gamlársdag og vörðu þau tíma saman yfir áramótin. Fram kom í farbannsúrskurði yfir manninum að hann hefði að kvöldi nýársdags spurt hvort konan gæti útvegað kannabisefni, sem hún og gerði. Ákváðu þau að að reykja efnin í bíl konunnar. Sagðist konan strax hafa fundið fyrir miklum áhrifum af völdum efnanna. Á sama tíma hafi maðurinn viljað að hún hefði við sig munnmök, sem hún sagði nei við. „I think I killed her“ Konan sagði í skýrslutöku lögreglu að maðurinn hefði þá hafa dregið niður um sig buxurnar þvingað höfuð hennar að getnaðarlimi sínum. Það hafði þær afleiðingar að konan kastaði upp. Því næst er maðurinn sakaður um að hafa dregið niður um hana buxurnar og haft við hana samfarir, án samþykkis hennar. Að því loknu segist konan hafa óskað eftir því við manninn að hann færi með hana heim. Við það hafi maðurinn öskrað á hana og hringt í vin sinn og beðið hann um að sækja sig. „I think I killed her,“ eða „Ég held að ég hafi drepið hana,“ er maðurinn sagður hafa sagt við vin sinn. Fór maðurinn því næst á brott. Þegar konan kom heim sá hún að maðurinn hafði tekið allt sitt dót og blokkað hana á samskiptamiðlum. Keypti flugmiða í skyndi Aðalmeðferð í málinu hófst þann 21. apríl og var framhaldið þann 4. maí. Því má eiga von á dómi á næstu dögum eða vikum í málinu. Héraðssaksóknari, sem sækir málið, telur þörf á að maðurinn sæti gæsluvarðhaldi enda sé ljóst að vilji hans sé að komast úr landi. Fram kemur í gögnum málsins að Bandaríkjamaðurinn keypti flugmiða til Bandaríkjanna í skyndi þann 2. janúar. Samkvæmt framburði vitnis var hann á leiðinni á Keflavíkurflugvöll þegar hann gaf sig loks fram við lögreglu, sem hafði þá lýst eftir honum. Karlmaðurinn hefur að sögn lögreglu ekki gefið skýringar á því hvers vegna hann hugðist fara í skyndi af landi brott, á sama tíma og hann átti miða til Póllands 9. janúar. Þá hefur hann staðfest að hann hafi engin sérstök tengsl við landið. Sex vikna ruðningsspil Karlmaðurinn var úrskurðaður í farbann þann 3. janúar í fjórar vikur. Farbannið var framlengt um fjórar vikur í tvígang. Karlmaðurinn reyndi þann 3. mars að yfirgefa landið þrátt fyrir farbann. Hafði hann þá pantað sér flug til Flórída og framvísaði neyðarvegabréfi í landamæraeftirliti á Keflavíkurflugvelli. Hann var vistaður í biðklefa á vellinum grunaður um brot á farbanni. Hann gat eingöngu framvísað flugmiða til Bandaríkjanna en ekki til baka. Fram kemur í greinargerð héraðssaksóknara að karlmaðurinn er bandarískur ríkisborgari. Einu tengslin við landið sé dvöl hans á Íslandi í sex vikur haustið 2022 þegar hann spilaði ruðning hér á landi. Bæði héraðsdómur og Landsréttur féllust á kröfu um gæsluvarðhald. Var meðal annars vísað til þess að enginn framsalssamningur er í gildi milli Íslands og Bandaríkjanna. Uppfært klukkan 14:57 Í greinargerð lögreglu segir að karlmaðurinn hafi spilað knattspyrnu hér á landi í sex vikur árið 2022. Samkvæmt heimildum fréttastofu spilaði ruðning, amerískan fótbolta. Lögreglumál Keflavíkurflugvöllur Kynferðisofbeldi Mest lesið Sérsveitin skarst í leikinn vegna Kourani á Kleppi Innlent Sýrlendingar samþykkja að taka við Kourani Innlent Refsing Kristjáns Markúsar milduð Innlent Bara „random“ að rassskella stjúpdóttur sína og vinkonu hennar Innlent Minnst ellefu hundar drepist við Geirsnef: „Áfall að sjá dýrið sitt hlaupa í dauðann“ Innlent Ók á brott eftir að hafa keyrt á hjólandi dreng Innlent Leikskólagjöld einstæðra foreldra í Reykjavík gætu allt að þrefaldast Innlent Heimilar banatilræði í Venesúela og íhugar árás Erlent Óttast um geðheilsu foreldra nái breytingarnar fram að ganga Innlent Ítarlegar frásagnir af kynnum við „Andy“ í nýrri bók Giuffre Erlent Fleiri fréttir Sex vilja fyrrum embætti Úlfars Enginn matur í ísskápum dæmi um vanrækslu Skoða hvort þurfi að tilkynna samningana til ESA Hverfið gert að umferðareyju raungerist hugmyndir Strætó Skoðar að tilkynna bensínstöðvamálið til ESA og nýtt líf með fjórhjóli Sýrlendingar samþykkja að taka við Kourani Ók á brott eftir að hafa keyrt á hjólandi dreng Átta daga seinkun kostar ríkið nítján milljónir Kærastan áfram í farbanni Viðgerð lokið á stofnstreng Mílu Ný heimildarmynd afhjúpi veikindi vegna flúormengunar og fyrirslátt MAST Annar fundur boðaður í kjaraviðræðum flugumferðarstjóra Vilja úrbætur eftir úttekt á samningum um lokun bensínstöðva Refsing Kristjáns Markúsar milduð Ekkert óeðlilegt að Halla bjóði Xi í heimsókn Segja eins og áður aðeins samið til skamms tíma og leiðrétta ráðherra Bara „random“ að rassskella stjúpdóttur sína og vinkonu hennar Ásýndin að fjölmiðlum hefnist fyrir að gagnrýna ríkisstjórnina Bein útsending: Öryggis- og varnarmál á ráðstefnu almannavarna Ræddi Gasa við Hegseth og bauð honum til Íslands Óttast um geðheilsu foreldra nái breytingarnar fram að ganga Óttast um geðheilsu foreldra og meint aðför stjórnvalda gegn fjölmiðlum Tveir sjúklingar í nánast hverju plássi á bráðamóttökunni Sérsveitin skarst í leikinn vegna Kourani á Kleppi Umboðsmaður snuprar stjórnvöld Einn vistaður vegna slagsmála ungmenna í Breiðholti Leggjast gegn hlutfallslækkun stuðnings við einkarekna fjölmiðla Slökkvistarf stóð yfir í þrettán klukkutíma Leikskólagjöld einstæðra foreldra í Reykjavík gætu allt að þrefaldast Minnst ellefu hundar drepist við Geirsnef: „Áfall að sjá dýrið sitt hlaupa í dauðann“ Sjá meira
Bandaríkjamaðurinn er grunaður um gróft kynferðisbrot hér á landi aðfaranótt 2. janúar gegn konu sem hann kynntist á stefnumótaforritinu Tinder. Konan sótti manninn á Keflavíkurflugvöll á gamlársdag og vörðu þau tíma saman yfir áramótin. Fram kom í farbannsúrskurði yfir manninum að hann hefði að kvöldi nýársdags spurt hvort konan gæti útvegað kannabisefni, sem hún og gerði. Ákváðu þau að að reykja efnin í bíl konunnar. Sagðist konan strax hafa fundið fyrir miklum áhrifum af völdum efnanna. Á sama tíma hafi maðurinn viljað að hún hefði við sig munnmök, sem hún sagði nei við. „I think I killed her“ Konan sagði í skýrslutöku lögreglu að maðurinn hefði þá hafa dregið niður um sig buxurnar þvingað höfuð hennar að getnaðarlimi sínum. Það hafði þær afleiðingar að konan kastaði upp. Því næst er maðurinn sakaður um að hafa dregið niður um hana buxurnar og haft við hana samfarir, án samþykkis hennar. Að því loknu segist konan hafa óskað eftir því við manninn að hann færi með hana heim. Við það hafi maðurinn öskrað á hana og hringt í vin sinn og beðið hann um að sækja sig. „I think I killed her,“ eða „Ég held að ég hafi drepið hana,“ er maðurinn sagður hafa sagt við vin sinn. Fór maðurinn því næst á brott. Þegar konan kom heim sá hún að maðurinn hafði tekið allt sitt dót og blokkað hana á samskiptamiðlum. Keypti flugmiða í skyndi Aðalmeðferð í málinu hófst þann 21. apríl og var framhaldið þann 4. maí. Því má eiga von á dómi á næstu dögum eða vikum í málinu. Héraðssaksóknari, sem sækir málið, telur þörf á að maðurinn sæti gæsluvarðhaldi enda sé ljóst að vilji hans sé að komast úr landi. Fram kemur í gögnum málsins að Bandaríkjamaðurinn keypti flugmiða til Bandaríkjanna í skyndi þann 2. janúar. Samkvæmt framburði vitnis var hann á leiðinni á Keflavíkurflugvöll þegar hann gaf sig loks fram við lögreglu, sem hafði þá lýst eftir honum. Karlmaðurinn hefur að sögn lögreglu ekki gefið skýringar á því hvers vegna hann hugðist fara í skyndi af landi brott, á sama tíma og hann átti miða til Póllands 9. janúar. Þá hefur hann staðfest að hann hafi engin sérstök tengsl við landið. Sex vikna ruðningsspil Karlmaðurinn var úrskurðaður í farbann þann 3. janúar í fjórar vikur. Farbannið var framlengt um fjórar vikur í tvígang. Karlmaðurinn reyndi þann 3. mars að yfirgefa landið þrátt fyrir farbann. Hafði hann þá pantað sér flug til Flórída og framvísaði neyðarvegabréfi í landamæraeftirliti á Keflavíkurflugvelli. Hann var vistaður í biðklefa á vellinum grunaður um brot á farbanni. Hann gat eingöngu framvísað flugmiða til Bandaríkjanna en ekki til baka. Fram kemur í greinargerð héraðssaksóknara að karlmaðurinn er bandarískur ríkisborgari. Einu tengslin við landið sé dvöl hans á Íslandi í sex vikur haustið 2022 þegar hann spilaði ruðning hér á landi. Bæði héraðsdómur og Landsréttur féllust á kröfu um gæsluvarðhald. Var meðal annars vísað til þess að enginn framsalssamningur er í gildi milli Íslands og Bandaríkjanna. Uppfært klukkan 14:57 Í greinargerð lögreglu segir að karlmaðurinn hafi spilað knattspyrnu hér á landi í sex vikur árið 2022. Samkvæmt heimildum fréttastofu spilaði ruðning, amerískan fótbolta.
Lögreglumál Keflavíkurflugvöllur Kynferðisofbeldi Mest lesið Sérsveitin skarst í leikinn vegna Kourani á Kleppi Innlent Sýrlendingar samþykkja að taka við Kourani Innlent Refsing Kristjáns Markúsar milduð Innlent Bara „random“ að rassskella stjúpdóttur sína og vinkonu hennar Innlent Minnst ellefu hundar drepist við Geirsnef: „Áfall að sjá dýrið sitt hlaupa í dauðann“ Innlent Ók á brott eftir að hafa keyrt á hjólandi dreng Innlent Leikskólagjöld einstæðra foreldra í Reykjavík gætu allt að þrefaldast Innlent Heimilar banatilræði í Venesúela og íhugar árás Erlent Óttast um geðheilsu foreldra nái breytingarnar fram að ganga Innlent Ítarlegar frásagnir af kynnum við „Andy“ í nýrri bók Giuffre Erlent Fleiri fréttir Sex vilja fyrrum embætti Úlfars Enginn matur í ísskápum dæmi um vanrækslu Skoða hvort þurfi að tilkynna samningana til ESA Hverfið gert að umferðareyju raungerist hugmyndir Strætó Skoðar að tilkynna bensínstöðvamálið til ESA og nýtt líf með fjórhjóli Sýrlendingar samþykkja að taka við Kourani Ók á brott eftir að hafa keyrt á hjólandi dreng Átta daga seinkun kostar ríkið nítján milljónir Kærastan áfram í farbanni Viðgerð lokið á stofnstreng Mílu Ný heimildarmynd afhjúpi veikindi vegna flúormengunar og fyrirslátt MAST Annar fundur boðaður í kjaraviðræðum flugumferðarstjóra Vilja úrbætur eftir úttekt á samningum um lokun bensínstöðva Refsing Kristjáns Markúsar milduð Ekkert óeðlilegt að Halla bjóði Xi í heimsókn Segja eins og áður aðeins samið til skamms tíma og leiðrétta ráðherra Bara „random“ að rassskella stjúpdóttur sína og vinkonu hennar Ásýndin að fjölmiðlum hefnist fyrir að gagnrýna ríkisstjórnina Bein útsending: Öryggis- og varnarmál á ráðstefnu almannavarna Ræddi Gasa við Hegseth og bauð honum til Íslands Óttast um geðheilsu foreldra nái breytingarnar fram að ganga Óttast um geðheilsu foreldra og meint aðför stjórnvalda gegn fjölmiðlum Tveir sjúklingar í nánast hverju plássi á bráðamóttökunni Sérsveitin skarst í leikinn vegna Kourani á Kleppi Umboðsmaður snuprar stjórnvöld Einn vistaður vegna slagsmála ungmenna í Breiðholti Leggjast gegn hlutfallslækkun stuðnings við einkarekna fjölmiðla Slökkvistarf stóð yfir í þrettán klukkutíma Leikskólagjöld einstæðra foreldra í Reykjavík gætu allt að þrefaldast Minnst ellefu hundar drepist við Geirsnef: „Áfall að sjá dýrið sitt hlaupa í dauðann“ Sjá meira