Lífið

On­lyFans-tví­fari Kim Kar­dashian látin eftir lýta­að­gerð

Magnús Jochum Pálsson skrifar
Ashten Gourkani var aðeins 34 ára þegar hún lést fyrir aldur fram vegna læknamistaka.
Ashten Gourkani var aðeins 34 ára þegar hún lést fyrir aldur fram vegna læknamistaka. Skjáskot/Instagram

Áhrifavaldurinn og OnlyFans-stjarnan Ashten G sem var þekkt fyrir líkindi sín og Kim Kardashian lést eftir hjartaáfall sem hún fékk í kjölfar lýtaaðgerðar.

Hin 34 ára Ashten, sem hét réttu nafni Christina Ashten Gourkani, var fædd árið 1988 í Bandaríkjunum og var af írönskum uppruna. Hún var að jafna sig á lýtaaðgerð þegar hún lést sviplega 20. apríl síðastliðinn.

Gourkani vann aðallega við hin ýmsu fyrirsætustörf.Instagram

Gourkani starfaði sem áhrifavaldur og fyrirsæta og var með yfir 620 þúsund fylgjendur á Instagram. Hins vegar var hún þekktust fyrir að vera ískyggilega lík hinni heimsfrægu Kim Kardashian.

Fjölskylda Gourkani greindi frá andlátinu á GoFundMe-síðu þar sem þau eru að safna fyrir jarðarför hennar sem fer fram í næstu viku. 

Á síðunni segir að fjölskyldan hafi fengið hræðilegt símtal aðfaranótt fimmtudags þar sem fjölskyldumeðlimur á hinum enda línunnar öskraði í sífellu „Ashten er að deyja“. 

Símtalið hafi splundrað veröld fjölskyldunnar og muni ásækja meðlimi hennar það sem eftir lifir.

Í tilkynningu sem fjölskylda Gourkani birti um andlát hennar segir að verið sé að rannsaka andlát hennar sem manndráp vegna læknismistaka sem urðu henni að bana.

OnlyFans Andlát Lýtalækningar Bandaríkin

Tengdar fréttir

Ný kærasta Kanye West sögð skuggalega lík Kim Kardashian

Tónlistarmaðurinn Kanye West er nú orðaður við hina tuttugu og fjögurra ára gömlu Chaney Jones. Það sem hefur þó helst vakið athygli er að Jones er talin vera skuggalega lík Kim Kardashian, fyrrverandi eiginkonu West.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.